Stutt lending

PS. Takið eftir í lokinn þegar hægt er á hreyflinum þá rennur vélin til baka.

Snillingar þessir Vestmanneyjingar

Af þessum fréttaflutningi að dæma þá virðist einhver furðulegar brennuvargur vera laus í Vestmannaeyjum..."svo virðist sem sá sem sé þarna að verki noti svartasta skammdegið til að reyna að kveikja í."  Ég hef aldrei heyrt aðra eins vitleysu.. að nota skammdegi til að reyna að kveikja í.  Það er kanski þessvegna sem að "brennuvargnum" (ef það má kalla hann svo) gengur ekkert að kveikja í þessari kaffistofu.  Ég hefði haldið að það væri betur til þess fallið að nota eldspítur eða kveikjara.  Vestmanneyjingar eru líka þekktir fyrir að fara eigin leiðir. 

Fimm sinnum reynt að kveikja í kaffistofu í Vestmannaeyjum

Leikur dagsins

http://www.AllMafia.com/register.php?refer=runsi

Þetta er snilldar leikur og maður verður mjög háður honum.  Mæli eindregið með honum ef maður hefur ekkert að gera.   Þessi leikur gengur út á það að stofna sér mafíu og drepa allt og alla.  En til þess þarf maður auðvitað vopn og bíla.  Einnig þarf maður menn til að þvo fyrir sig peninga og smyggla inn dópi og vopnum.  Sem sagt holl og góð fjölskyldu skemmtun

Mikið er ég feginn

Ég er svo glaður með að Tommi kallinn sé búinn að gifta sig.  Ég er varla búinn að geta sofið frá því að hann og Katie Holmes kynntust.  Á hverjum degi er eitthvað nýtt að gerast hjá þeim og spennan orðin óbærileg þegar að giftingunni kom.  Það er greinilegt að fréttamennirnir á morgunblaðinu eru sömu skoðunnar og ég því þeir hafa varla geta haldið vatni yfir þessum fréttum og hafa birst 3 fréttir daglega þessa síðustu daga um brúðkaupið hjá þeim.  Hverjir eru að koma, hvað á að éta, hvaða gjafir þau fá og hvert þau eru að fara og fleira og fleira.

Núna get ég loksins farið að sofa rólegur.

Cruise og Holmes héldu til Maldíveyja í brúðkaupsferð

Til hamingju Bjarki

Til hamingju með sigurinn Bjarki. Gott ef þetta ert ekki þú þarna fremstur á myndinni.  Ég sá þessa keppni og hún var mjög mis góð.  En þið áttuð sigurinn fyllilega skilið.  Það sem mér þótti verst við þessa keppni er hversu leiðinlegir kynnarnir voru.  Og hvað var með þetta dæmi að snúa hausnum og þefa af öxlinni hjá næsta manni??  Já það er ekki öll vitleysan eins.  Einnig var ágætt þegar útsendingin var að byrja þá blandaðist hljóðið frá Sýn inn í útsendinguna sem var reyndar ágætt þá gat ég fylgst með leiknum Celtic - Man Utd á meðan, en Rúnar var ekki lengi í paradís því þeir voru fljótir að kippa því út.

Bjarki þú ert snillingur.  Keep up the good work.

Taumlaus gleði

Bara 3 ár í viðbót, þá er ég sloppinn

Fólk eldra en 30 ætti að vera dáið! (eða vorum við bara heppin?)  what!!!!!!!!!!!

Ég var að spjalla um daginn við vin minn um ,,þá gömlu góðu daga" og
við komumst eiginlega að því að fólk sem er eldra en 30 ára ætti í
raun að vera dáið. Halló fólk á besta aldri................

       Já, samkvæmt löggjöfum og skriffinnum nútímans ættu þau okkar sem
voru börn á 5., 6., 7. og fyrrihluta 8. áratuga síðustu aldar ekki að
hafa lifað af.

·        Barnarúmin okkar voru máluð með blýmálningu.

·        Það var engin barnalæsing á lyfjaglösum, hurðum eða skápum og
þegar við hjóluðum notaði ekkert okkar hjálm.

·        Sem börn sátum við í bílum án öryggisbelta og/eða púða.

·        Að fá far á vörubílspalli var sérlega gaman.

·        Við borðuðum brauð með smjöri, drukkum gos með sykri, en fæst
okkar lentu í offituvandamálum, því við vorum alltaf úti að leika,

·        Við deildum gjarnan gosflösku með öðrum og allir drukku úr sömu
flöskunni án þess að nokkur létist.

·        Við vörðum löngum stundum í að byggja kassabíl úr dóti og drasli
og þutum á honum niður brekkuna, bara til að uppgötva að við höfðum
gleymt bremsunum.  Eftir nokkrar veltur lærðum við að leysa vandamálið.

·        Við fórum að heiman snemma á morgnanna til að leika okkur allan
daginn og komum aftur heim í kvöldmat.  Enginn hafði möguleika á því
að ná í okkur yfir daginn.

·        Engir farsímar.  Ha, engir farsímar?  Óhugsandi!

·        Við áttum ekki Playstation, Nintento 64, X-box, enga tölvuleiki,
ekki fjölmargar rásir í sjónvarpinu, ekki video, ekki
gerfihnattasjónvarp, ekki heimabíó, farsíma, heimilistölvu eða spjallrásir
á Internetinu.
Við eignuðumst vini!  Við fórum bara út og fundum þá.

·        Við duttum í skurði, skárum okkur, fótbrotnuðum, brutum tennur,
en enginn var kærður fyrir þessi óhöpp.  Þetta voru jú óhöpp.  Það var
ekki hægt að kenna neinum um nema okkur sjálfum.  Manstu eftir óhappi?

·        Við slógumst, urðum blá og marin og lærðum að komast yfir það.Við
lékum okkur í nýbyggingum, fundum upp leiki með naglaspýtum og drasli
og átum maðka.  Þrátt fyrir aðvaranir voru það ekki mörg augu sem
duttu út og ekki lifðu maðkarnir inni í okkur til eilífðar.

·        Við hjóluðum eða gengum hvert til annars, bönkuðum á dyrnar,
gengum inn og létum eins og heima hjá okkur.

·        Við lékum okkur úti eftir kvöldmat, fórum í fallin spýta, eina
krónu, eltingaleik eða feluleik, svo ekki sé minnst á löggu og bófa.  

Það þurfti engar félagsmiðstöðvar eða neina til að stjórna okkur.  Við
stjórnuðum okkur sjálf.

·        Sumir nemendur voru ekki eins glúrnir og aðrir, þeir lentu í
tossabekk.  Hræðilegt....  En þeir lifðu af.

·        Þessi kynslóð hefur alið af sér fólk sem er tilbúið að taka
áhættu, góð að leysa vandamál og bestu fjárfestar nokkru sinni.

·        Síðustu 50 ár hafa verið sprengja nýsköpunar og nýrra hugmynda.
Við áttum frelsi, sigra, ósigra og ábyrgð og við lærðum að takast á
við það allt saman.

·        Við sem ólumst upp áður en löggjafi og stjórnvöld settu lög og
reglur um  líf okkar sem er okkur sjálfum fyrir bestu.

Við áttum gott líf !

Nýjar myndir og myndbönd

Jæja nú hef ég eftir nokkuð langa pásu ákveðið að prufa þetta blogg aftur.  Þetta er svo miklu sniðugra eftir að hægt var að setja inn myndbönd.  Sjáum nú til hvað ég endist lengi í þessu.

Lífgum upp á gráan hversdagsleikann

Til að lífga uppá gráan hversdagsleikann og gera dagana meira spennandi og innihaldsríkari, er mælst til að þú gerir eitt/fleiri/öll eftirtalin atriði reglulega...

1. Í hádeginu: leggðu bílnum og sittu í honum með sólgleraugu. Miðaðu með hárþurrku á bílana sem keyra framhjá. Athugaðu hvort þeir hægi á sér.

2. Kallaðu sjálfann þig upp í innanhúss kallkerfinu. EKKI reyna að breyta rödd þinni.

3. Stattu fastur á því að netfangið þitt sé: [e-mail] eða [e-mail]

4. Hvert skipti sem einhver biður þig að gera eitthvað fyrir sig, spyrðu,má bjóða þér franskar með þessu?"

5. Stilltu ruslafötunni upp á skrifborðið með miða á sem segir,,Innbox"

6. Þróaðu með þér óeðlilega hræðslu við prjónadót

7. Fylltu kaffivélina með koffínfríu kaffi í þrjár vikur. Þegar allir eru búnir að losna við koffínfíknina, fyllirðu á með espresso.

8. Á allar kvittanir skrifar þú; Fyrir kynlífsþjónustu.

9. Ljúktu öllum setningum þínum með; Samkvæmt spádómum.

10. Ekki nota punkta.

11. Hoppaðu í stað þess að ganga.  

12. Taktu sérstaklega fram í bílalúgusjoppunni að pöntun þín sé,,taka með".

13. Syngdu með í óperunni.

14. Farðu á ljóðakvöld og spurðu afhverju ljóðin vanti allan ryþma.

15. Hengdu flugnanet í kringum skrifborð þitt. Spilaðu frumskógarhljóð af diski alla daga.

16. Tilkynntu vinum þínum, fimm dögum fyrir partýið að þú komir ekki því þú sért ekki alveg upplagður.

17. Biddu vinnufélaga þína að ávarpa þig með Gladiator-nafni þínu,Rock Hard.

18. Þegar peningarnir koma út úr hraðbankanum hrópar þú ,,Ég vann! Ég vann!!! Þriðja skiptið í þessari viku!!!!"

Og að lokum, síðasta ráðið til að halda uppi mátulegri geðveiki í hversdagsleikanum:

19. Spurðu fólk hvers kyns það sé. Hlæðu brjálæðislega þegar það hefur svarað

muaahaha!!!!!!

Vinnuskólinn

Ég man þá gömlu góðu daga sem maður var að stíga sín fyrstu skref á vinnumarkaðinn.  Vinnan var mis-erfið, fór mikið eftir hver var flokkstjóri.  Margar góðar minningar safnaði maður þó.  Þó svo að bankareikningurinn hafi ekki beint blómstrað, og kanski alveg á mörkunum að maður færi með launaumslagið til mannréttindadómstólinn í Genf og athugaði hvort ekki væri um að ræða barnaþrælkun, þar sem börn eru sennilega að fá borgað langt undir taxta.  En það eru þó sennilega ekki allir sem eiga góðar minningar af vinnuskólanum.  Kanski hefur gremjan og reiðin yfir launaumslaginu hellst yfir einhvern unglinginn og hann tekið málin í sínar hendur.

Áhaldageymsla vinnuskólans á Akranesi ónýt eftir bruna

Sunnudagssamsærið

Nú er komið að því sem ég mun reyna að halda mig við alla sunnudaga, en það er Sunnudagssamsærið.  Þessi frétt byrtist á fréttavef morgunblaðsins á sunnudaginn og virðist í fljótu bragði vera ósköp saklaus og venjuleg en þegar nánar er skoðað kemur í ljós hræðilegur sannleikur.  Í fyrsta lagi er forseti Íslands að fara að flytja ræðu í umdeildri leynihreyfingu sem teygir anga sína í flest öll lönd nema til Vadíkansins.  Af hverju skildi það stafa?  Hvað er það við þessa "friðsamlegu" hreyfingu sem fær hina sann-kristnu menn til að afneyta henni?  Það hlýtur að vera einhver skynsamleg skýring á því.  Ég fór á stúfana og gerði mér ferð á meginladið og kannaði þetta mál.  Ég komst fljótt að því að Lions-menn voru ekkert allt of hrifnir af mínum spurningum um þetta leynilega stríð sem virðist geysa á milli Kirkjunnar og Lions.  Það var síðan í hinu konunglega bókasafni í Prag að ég komst að hinum ljóta sannleik.  Árið 1265 kom ungur maður frá Lions til Vadikansins og var með heldur einkennilegan farm í kerru, nýstárlegir hlutir frá Kína sem hann kallaði flug-prik.  Varðmaður Vadikansins ákvað að hleypa honum inn.  Þegar maðurinn var kominn inn hóf hann að selja þessi flug-prik prestarnir tóku það ekki í mál, gerðu flug-prikin upptæk og vörpuðu manninum í steininn fyrir svartagaldur og djöflatrú.  Prestarnir veltu fyrir sér hvað ætti að gera við þessi prik og ákváðu að best væri að brenna þau.  Þeir tóku vagninn og helltu olíu yfir og kveiktu svo í.   Þegar edurinn hafði læst sig í viðinn í vagninum hófust megnar sprengingar með miklum látum og blossum.  Þarna héldu prestarnir að sjálfur Satan væri kominn að refsa þeim fyrir meðferðina á Lions manninum.  Þeir hlupu samstundis inn í kirkju í skjól og báðu til guðs að sína mátt sinn og megn.  Viti menn eftir nokkra stund þögnuðu lætin.  Þarna hafði Guð sigurorð af Satan enn einu sinni. 

Eftir að ég komst að sannleikanum tel ég að Óli ætti að láta þessa stór-hættulegu leynihreyfingu vera. 

Ólafur Ragnar aðalræðumaður á Heimsþingi Lions-hreyfingarinnar